Maður með handtösku

Í dag var ég á gangi um Smáralindina, nýbúinn að lóðsa einn 3 ára og tvo táninga í Ævintýralandið og sá fram á 90 mínútur af friiiiið og ró og kannski einn Latte.

Þar sem ég gékk í hægðum mínum tók ég eftir því að fólk horfði útundan sér á mig með einhverjum skrýtnum svip.

Ég fór í huganum yfir tékklistann.....

Buxur (x)
Rennilás á buxunum renndur upp (x)
Skór (x)

...svo fattaði ég allt í einu....fólkið var að horfa á handtöskuna sem konan hafði sent mig með, innihaldandi skynsama hluti eins og banana, aukableyjur, asswipes, sólgleraugu og snuð (fyrir neyðartilfelli).

Sennilega er ekki algengt að Íslenskir karlmenn gangi um með stylish Longchamps töskur á arminum.  Sem frelsaður 'Småbarnspappa' hef ég hinsvegar tileinkað mér þetta og er kominn með tækni sem gerir mér kleift að halda karlmennskunni um leið....allaveganna einhverju af henni

Galdurinn er hvernig þú heldur á töskunni, verður að vera valdsmannlegt og gefa í skyn að þú sért í raun aðeins að geyma hana fyrir 100% konu sem þú ert að fara að hitta handan við næsta horn.

Athugasemdir

[Anna Guðný , 25.3.2008 kl. 22:00]

Ég hefði viljað sjá þig. Er að reyna að sjá fyrir mér hvernig ég hefði horft á þig.Er ekki viss.

[Ingólfur Arnar Stangeland, 27.3.2008 kl. 08:41]

Well, ég veit allaveganna hvernig syni mínum kemur til með að líða þegar hann uppgötbar að samfélagið í kringuim hann lítur hornauga á að hann dansi í kjól og bling-bling skóm (sem er uppáhaldið hans þessa dagana)