TechReady 6 í Seattle

Flaug í gær til Seattle til að fara á TechReady 6, TechReady er innanhúss ráðstefna fyrir Microsoft starfsfólk sem er haldin tvisvar á ári.  Hún er á svipuðum nótum og IT Forum eða TechEd eru, aðal munurinn er að það eru mun fleiri frá Microsoft sem tala á henni, Bill Gates, Mark Russinovitch, Moon Majumdar og Nathan Muggli t.d. þetta árið  Ekki seinna vænna að sjá Bill Gates áður en hann hættir....

Allaveganna, fyrst var hoppað stutt til Köben og þaðan 10 tíma flug þar sem flogið var norður fyrir Ísland, yfir Grænland og niður í gegnum Kanada áður en lent var á vesturströnd USA í Seattle WA (Tacoma).

Þar tók síðan við músastigi með fólki í passatékki hjá Homeland Security (Keeping our borders open and our nation secure er sloganið þeirra).  Ég tók tímann á hversu lengi var verið að prósessa hvern og einn....30-60 sekúndur.  Því miður voru 70+fyrir framan mig í minni röð og bara einn að afgreiða :(

50 mínútum seinna var ég loks kominn í gegn og gat farið að sækja töskuna á færibandið og koma mér niður í bæ.  Ekki laust við að bútar úr nokkrum myndum (t.d. Sleppless in Seattle) hafi flogið í gegnum hugann þegar að við nálguðums, Seattle er með nokkuð sérstakan prófíl sem maður þekkir úr langri fjarlægð, svipað eins og New York áður en turnarnir tveir hurfu úr myndinni.

Það er 9 tíma tímamismunur frá Stokkhólmi til Seattle, þannig að við "græddum" 9 tíma og lentum tæknilega séð 1 tíma eftir að við lögðum af stað.  Sem betur fer lognaðist ég út um 8-leytið uppi á herbergi og náði að sofa aðeins til að stilla líkamsklukkuna.  Verður væntanlega verra leiðinni aftur heim þar sem við lendum þá í Stokkhólmi á Sunnudagsmorgninum næstu helgi...